Èske moun ou renmen an…

• Menase blese oswa touye ou oswa pitit ou?
• Rabese w an piblik oswa anpeche w kontakte fanmi oswa zanmi?
• Kontwole ki kote ou ale, ak ki moun w ap pale ak kijan ou depanse lajan?
• Voye, pouse, frape, toufe, bay w kout pye, oswa souflete ou?
• Di se fòt ou, pwomèt sa p ap rive ankò-men sa rive ankò?
• Fòse w fè sèks lè w pa vle?​

Si nenpòt nan bagay sa yo ap rive ou, w ap sibi maltretans.

Planifye Sekirite Ou – Prepare Ou…
Pi ba a gen yon lis mezi prekosyon pou pran si w ap sibi maltretans:

• Konnen ki kote ou kapab jwenn èd.
  • Kenbe yon lis nimewo telefòn enpòtan (lapolis, liy dirèk pou rele pou vyolans domestik, lopital) avèk ou.
• Planifye ak pitit ou.
  • Idantifye yon kote ki an sekirite pou yo (chanm ki gen yon kle, kay yon vwazen, elatriye)
  • Fè yo konnen travay yo se rete an sekirite, se pa pou pwoteje ou.
• Aranje yon siy ak yon vwazen pou lè ou bezwen èd.
  • Egzanp: si limyè galri a limen-gen pwoblèm epi ou bezwen èd.
• Prepare yon kit ijans ou ka jwenn byen vit.
  • Ou kapab vle kenbe li lakay yon zanmi/vwazen ou fè konfyans.
  • Enkli:
    • Doub kle machin ak kay
    • Lajan, koupon pou manje, chekye, kat kredi, fich pèman
    • Batistè ak lòt pyès idantite ou ak pa pitit ou
    • Lisans ou oswa lòt pyès idantite ki gen foto sou li
    • Kat sekirite sosyal oswa kat rezidans/pèmi travay
    • Kat asirans sante, medikaman pou ou ak pitit ou
    • Papye tè oswa kontra lwaye kay oswa apatman w
    • Nenpòt papye oswa òdonans tribinal
    • Lòt rad pou ou ak pitit ou
• Planifye moman ki pi an sekirite pou ou soti.
  • Konnen ki pòt, fenèt, elatriye.
• Prepare pou sove.
  • Pratike ak pitit ou pou l gen yon ijans.

Si ou te fè fas ak nenpòt abi fizik oswa atak:

• Jwenn èd medikal epi di sa ki te pase a.
  • Mande yo pou dokimante li.
• Fè doktè a, enfimyè a, oswa yon zanmi pran foto blesi/mak sou po ou yo.
  • Menm bagay la tou pou nenpòt rad chire oswa rad ki gen san sou li.
• Pale ak yon moun sou sa ou ka fè apre.
  • Di yon zanmi sa k ap pase a.
  • Kenbe nimewo telefòn enpòtan yo yon kote ki fasil pou jwenn; zanmi, fanmi, ak liy dirèk Roads to Peace.
  • Rele Roads to Peace pou jwenn plis enfòmasyon sou sèvis nou yo, abri, ak lòt resous ki disponib pou ede ou.